Жарыяланган
2025-05-12, 13:10Мамлекеттик ипотекалык компания кийинки жылы 20 миң батир берүүнү пландап жатат. Бул тууралуу аталган мекеменин калк менен иштөө башкармалыгынын жетекчиси Гүлзат Тотубаева брифинг учурунда билдирди.
Анын айтымында, компания 2016-жылы түзүлгөндөн тартып 2022-жылдын аягына чейин өнөктөш банктар аркылуу арыздарды карап гана иштеген. 2023-жылдын башынан бери банктык ортомчулуктан баш тартып, өзү көп кабаттуу үйлөрдү кура баштаган. Алгачкы батирлерди 2024-жылдан тарта бере баштаган.
“2026-жылы жалпысынан биз Кыргызстан боюнча 20 миң батирди берүүнү пландаштырып жатабыз. Анын ичинде 4 миңден ашууну Бишкекте,” - деди ал.
