MEGA жана КРдин Жаратылыш ресурстары министрлиги санариптик кызматташуу жөнүндө меморандумга кол коюшту

Бүгүн “Альфа Телеком” ЖАК (соода маркасы – MEGA) менен Кыргыз Республикасынын Жаратылыш ресурстары, экология жана техникалык көзөмөл министрлигинин ортосунда өз ара түшүнүшүү жөнүндө меморандумга кол коюлду. Документ эки тараптын мамлекеттик кызматтар жана экологиялык долбоорлор тармагында санариптик сервистерди өнүктүрүү жана инновациялык чечимдерди ишке ашыруу боюнча ниеттерин бекемдеди.

Меморандумга MEGAнын башкы директору Эльнар Субакожоев жана министрдин биринчи орун басары Болот Жусупбеков кол коюшту.

Кызматташтык төмөнкүлөрдү камтыган кеңири тармактарды камтыйт:

• QR-коддорду түзүү системасын интеграциялоо (бирдиктүү ELQR стандартын кошо алганда);

• Министрликтин сервистерин MEGA жана анын “Кыргызмобайлкомпани” туунду компаниясынын (соода маркасы – MegaPay) санариптик чечимдерине, анын ичинде Мамлекеттик электрондук кызмат көрсөтүүлөр порталына интеграциялоо;

• MegaPay системасын “Бирдиктүү тейлөө терезеси” кызмат көрсөтүү платформасына жана ведомстволук санариптик сервистерге интеграциялоо;

• Жолдомолор, атуу карталары жана аңчылык лицензиялары сыяктуу мамлекеттик кызматтар үчүн MegaPay аркылуу QR-кодду колдонуу менен төлөө мүмкүнчүлүгү;

• “Жашыл Мурас” улуттук программасынын алкагында төлөмдөрдү санариптештирүү;

• Төлөмдөр үчүн бирдиктүү биллинг-борборун түзүү жана министрликтин көзөмөлдөп өткөрүү пункттарында жана объектилеринде төлөм системаларын өнүктүрүү.

Мындан тышкары, меморандумда инновациялык кызматтарды киргизүү, бизнес-пландарды иштеп чыгуу, бизнес-процесстерди кайра иштеп чыгуу (реинжиниринг) жана даяр чечимдерди техникалык тестирлөө боюнча биргелешкен иштер каралган.

“MEGA мамлекеттик сервистердин санариптик трансформациясын активдүү колдойт. Министрлик менен болгон кызматташтыгыбыздын максаты — кызматтарга төлөөнү жана аларга жетүүнү жарандар үчүн мүмкүн болушунча жөнөкөй, ачык жана ыңгайлуу кылуу”, - деп белгиледи “Альфа Телеком” ЖАКтын башкы директору Эльнар Субакожоев. 

Меморандум өлкөдө электрондук кызмат көрсөтүүлөрдү өнүктүрүүгө, мамлекеттик түзүмдөрдүн ишинин натыйжалуулугун жогорулатууга жана өлкөдөгү экологиялык долбоорлорду илгерилетүүгө өбөлгө түзгөн биргелешкен санариптик демилгелерди ишке ашыруу үчүн негиз болот.

Кыргыз Республикасынын Мамлекеттик байланыш агенттигинин лицензиялары: №14-1133-КР, №18-0326-КР, №18-0303-КР, №15-1446-КР, №16-0090-КР, №18-0261-КР