Жарыяланган
2025-24-10, 16:49Нарын шаарында прокуратуранын жаңы имараттары курулууда. Бул тууралуу Курулуш министрлиги билдирди.
Объекттер “Кыргызкурулуш” мамлекеттик ишканасы тарабынан жүргүзүлүүдө.
Белгилей кетсек, имараттар төмөнкү даректерде: райондук прокуратура—А. Молдоев көчөсү, 170/5, шаардык прокуратура—С. Жакыпов көчөсү, 17, облустук прокуратура—Ленин көчөсү, 105де курулуп жатат.
Бүгүнкү күндө:
• жылуулук тармактарын орнотуу иштери аяктап, электр-техникалык бөлүгү толук аткарылды;
• фасадды жылуулоо иштери “Сары-Таш” таш плиталары менен жүргүзүлүүдө;
• чатырдын даярдык даражасы 60% түзөт;
• сырттагы суу түтүк линиясын төшөө иштери аткарылууда.
