Жарыяланган
2025-11-08, 15:08Акыркы жылдары Ноокат районунда тамеки өндүрүүгө өзгөчө көңүл бурулуп, Вьетнам, Греция, Россия жана Казакстанга экспорттолуп жатат. Бул тууралуу Айыл чарба министрлиги билдирди.
CJSC Constant Leaf Tobacco ишканасы 2023-жылы Вьетнамга 29,3 тонна, ал эми 2024-жылы 60 тонна тамеки экспорттогон. Ал эми, "Баек" (LLC BAEK) фирмасы 2024-жылы Грецияга 154 тонна, 2025-жыдын башынан бери 170 тонна ферменттелген тамеки экспорттогон.
Ошондой эле тамеки калдыктарынын экспорту да өсүүдө. Былтыр Казакстанга 8 тонна, Россияга 561 тонна, ал эми быйыл Россияга 378,4 тонна, Казакстанга 97 тонна экспорттолгон.
