Ошто социалдык объектилердин курулушунда кемчиликтер аныкталды

Ош облусунда курулуп жаткан социалдык объектилердин курулушуна көзөмөл жүргүзүлүүдө. Бул тууралуу Курулуш, архитектура жана турак жай-коммуналдык чарба министрлигинин басма сөз кызматынан билдиришти.

Маалыматка ылайык,  башкармалык тарабынан бир катар кемчиликтер аныкталып, жазуу түрүндө эскертүү жана көрсөтмөлөр берилди.

Текшерилген объекттер:

• Алай районуна караштуу Жаңы-Алай айылында “Азия Курулуш Компани” ЖЧКсы тарабынан курулуп жаткан 120 орундуу бала бакча;
• Араван районунун Жар-Кыштак айылында “Байел” ЖЧКсы тарабынан курулуп жаткан А.Орозов атындагы мектептин 100 орундуу кошумча окуу корпусу;
• Өзгөн шаарындагы Курманжан-Датка мектебинин жанына “Юг-Достук” ЖЧКсы тарабынан курулуп жаткан бала бакча;
• Өзгөн шаарында “Арх строй инженеринг” ЖЧКсы тарабынан курулуп жаткан Бабур мектебинин аймагындагы спорт зал.

Курулуш иштерин бекитилген долбоорго ылайык жүргүзүү, ошондой эле техникалык коопсуздук эрежелерин камсыз кылуу зарылдыгы эскертилди.