Жарыяланган
2026-13-02, 17:50Президент Садыр Жапаров Казакстандын тышкы иштер министри Ермек Кошербаев менен жолугушту. Бул тууралуу президенттик администрациянын басма сөз кызматынан билдиришти.
Маалыматка ылайык, эки тараптуу кызматташуунун актуалдуу багыттарын талкуулады.
Жолугушууда соода-инвестициялык, транспорттук-транзиттик жана суу-энергетикалык тармактардагы кызматташтык, анын ичинде “Камбар-Ата – 1” ГЭСинин курулушу боюнча маселелер каралды.
Ошондой эле эл аралык жана аймактык уюмдардын алкагында өз ара аракеттенүүнү координациялоо маселелери талкууланды.
Тараптар кыргыз-казак союздаштык мамилелерин мындан ары чыңдоого жана жогорку деңгээлде жетишилген макулдашууларды сапаттуу ишке ашырууга даяр экенин билдиришти.
