
Жарыяланган
2026-16-11, 15:35Жалал-Абад облусунун Сузак районунда жер тилкелерине тиешелүү документтерди жасалмалоого шектелип үч адам кармалды. Бул тууралуу УКМК билдирди.
Маалыматка ылайык, шектүүлөр узак убакыттан бери жер тилкелеринин документтерин мыйзамсыз жасалмалоо менен алектенип келишкен.
Бул факты боюнча кылмыш иши козголуп, З.И.Э., Х.У.Р. жана С.О.Х. аттуу жарандар кармалып, УКМКнын тергөө абагына киргизилди.
Учурда тергөө иштери уланып, бул мыйзамсыз иштерге тиешеси бар башка адамдар аныкталууда.



