Жарыяланган
2026-22-07, 13:10Талас районунда мыйзамсыз түрдө жеке менчикке өткөрүлүп кеткен 0.20 гектар жер жана кампа курулмалары мамлекеттин менчигине кайтарылды. Бул тууралуу Башкы прокуратура билдирди.
Маалыматка ылайык, кайтарылган мүлктүн жалпы баасы 4 млн 798 миң сомду түзөт.
Текшерүүнүн жүрүшүндө 2000-жылы Көк-Ой айылындагы Талас токой чарбасына тиешелүү 0.08 гектар жер тилкеси мыйзамсыз жеке менчикке өткөрүлүп кеткени аныкталган.
Ошондой эле Кең-Кол айыл өкмөтүндөгү 25 чарчы метрлик кампа курулмалары жайгашкан 0.12 гектар жер тилкеси да мыйзамсыз берилген.
Прокуратуранын көргөн чараларынын негизинде аталган жер тилкелери жана курулмалар кайрадан мамлекеттин карамагына өткөрүлдү.
