Тепличная көчөсүнүн 750 метрин оңдоого тендер жарыяланды

Жаш Гвардия бульварынан Араван көчөсүнө чейинки Тепличная көчөсүнүн 750 метр тилкесин оңдоо үчүн тендер жарыяланды. Бул тууралуу маалымат Мамлекеттик сатып алуулар порталында жарыяланган.

Долбоор боюнча жолду оңдоого болжол менен 17 миллион сом каралууда. Иштердин так мөөнөтү тендер жеңүүчүсү менен түзүлгөн келишимге ылайык аныкталат.

Тендерге катышуу үчүн арыздар 30-февралга чейин кабыл алынат.

Катышуучуларга негизги талаптар:

    •    Жол куруу боюнча кеминде 3 жылдык тажрыйбасы бар негизги кызматкерлер болушу керек;
    •    Салык жана камсыздандыруу төлөмдөрү боюнча карызы жок болушу зарыл;
    •    Тиешелүү лицензиясы болушу керек;
    •    Компаниянын каттоо күбөлүгү жана уставы талап кылынат;
    •    2023–2025-жылдары ушундай көлөмдөгү кеминде эки окшош долбоорду аткарган тажрыйбасы;
    •   Смета жана иш графиги Мамлекеттик курулуштун ченемдерине ылайык түзүлүүгө тийиш; 
    •   Асфальт төшөгүч, өзү төгүүчү машина (самосвал), автогрейдер жана жол таптагыч сыяктуу атайын техникалардын бар экендиги же аларды ижарага алуу мүмкүнчүлүгү далилдениши керек.

Тендердин жыйынтыгында жеңүүчү компания аныкталып, жол оңдоо иштери башталат.