Жарыяланган
2025-14-11, 16:03Тоң районунда мектепке тиешелүү жер тилкеси мамлекетке кайтарылды. Бул тууралуу Башкы прокуратуранын басма сөз кызматы кабарлады.
Маалыматта Аксай айылында жайгашкан Ж.Турусбеков атындагы орто мектебине тиешелүү 1 989,31 м² жер тилкеси 2002–2003-жылдары мурдагы Күн-Батыш айыл өкмөтү тарабынан мыйзам талаптарын бузуу менен жеке менчикке өткөрүлүп кеткендиги аныкталганы жазылган.
Көрүлгөн чаралардын жыйынтыгында, жалпы баасы 1,9 млн сомду түзгөн аталган жер тилкеси толугу менен мамлекетке кайтарылды.
