Ысык-Көл облусунда банктардын кызматкерлерине кепилдик берүү механизмдери менен тааныштырды

Ысык-Көл облусуна болгон жумушчу сапары учурунда «Гарантиялык фонд» ААКтын аймактар менен иштөө бөлүмүнүн башчысы Камчыбек Аалиев банктардың филиалдарынын жетекчилери менен жолугушуп, Балакчы, Каракол шаарларында жана Түп, Ак-Суу, Ысык-Көл жана Жети-Өгүз райондорунда семинарлар өткөрүштү. Бул иш-чараларга Ысык-Көл облусундагы банктардың бөлүм башчылары, анын ичинде “Айыл Банк” ААК, “Элдик Банк” ААК, “Керемет Банк” ААК, “Коммерциялык Банк Кыргызстан” ААК, “Бакай Банк” ААК, “Азия Банкы” ЖАК жана “Демир Кыргыз Интернэшнл Банк” ЖАК катышты. Семинарлар учурунда кызматкерлер субъекттерге кепилдиктер берүүнүн механизмдери менен таанышышты. Ошондой эле, өнөктөштүк мамилелерди жакшыртуу жана кызматташуу маселелери талкууланды. Азыркы учурда “Гарантиялык фонд” ААК 25 өнөктөш менен, анын ичинде 18 коммерциялык банктар, үч микрофинансылык уюмдар, үч эл аралык фонддор жана ишкердикти өнүктүрүү фонду менен кызматташат. “ГФ” ААКнын өнөктөштөрүнүн республиканын бардык аймактарында 320дан ашык филиалы иштейт. Эскерте кетсек, "Гарантиялык фонд" ААКнын иши өлкөнүн аймактарындагы субъекттерге каржылык каражаттарга кое берүү мүмкүнчүлүгүн камсыз кылуу жана мүлктүк камсыздоо жетишсиз болгон шартта каржылык колдоо көрсөтүүгө багытталган. “Гарантиялык фонд” кызматкерлери бизнес долбоорлорду даярдоо стадиясында бизнеске консультациондук жардам көрсөтүүдө жана анын филиалдары өлкөнүн бардык аймактарында иштейт.