Жарыяланган
2025-16-06, 14:00«Альфа Телеком» ЖАК өзүнүн негизги санариптик өнүмдөрүнүн биринин жаӊы версиясы — маркалоо коддорун тапшырык кылуу модулу (MКТМ 2.0) ишке киргизилгенин расмий жарыялады. Жаңыланган система практикалык тажрыйбаны жана бизнес-коомчулуктун өкүлдөрүнүн сунуштарын эске алып, маркалоо коддору менен иштөөдө натыйжалуулукту жана колдонуучуга ыңгайлуулукту камсыздоого багытталган.
MКТМ 2.0 иштеп чыгуу – товар жүгүртүүнүн катышуучуларынын кайтарым байланыштарын чогултуу жана анализдөө боюнча масштабдуу иштердин натыйжасы. Мунун аркасында жаңы версия колдонуучулардын реалдуу муктаждыктарына багытталган бир катар олуттуу жакшыртууларга ээ болду.
МКТМ 2.0 жаңылоонун негизги учурлары төмөнкүлөрдү камтыйт:
• Иштин жогорку ылдамдыгы. Ички архитектураны кайра иштетүүнүн аркасында системанын иштеши кыйла жогорулады, бул маалыматтардын тезирээк жүктөлүшүн жана интерфейстин реакциясын камсыз кылды.
• Интуитивдүү түшүнүктүү интерфейс. Толугу менен жаңыланган дизайн жана система менен өз ара аракеттенүү логикасы модулду техникалык тажрыйбасы жок колдонуучулар үчүн да жеткиликтүү кылды. Башкы меню, формалар жана навигация жөнөкөй жана түшүнүктүү болуп калды.
• Жөнөкөйлөштүрүлгөн процесстер. Көптөгөн күнүмдүк операциялар эми азыраак кадамдарды талап кылат, бул убакытты үнөмдөйт жана каталардын ыктымалдыгын азайтат.
• Заманбап технологиялык стек. Жаңы платформа жогорулатылган ишенимдүүлүктү, коопсуздукту жана ийкемдүүлүктү камсыздайт, ошондой эле олуттуу өзгөртүүлөрсүз келечектеги жаңылоону ыкчам жайылтууга мүмкүндүк берет.
Азыркы учурда МКТМ 2.0 бета-версияда жеткиликтүү. «Альфа Телеком» командасы колдонуучуларга максималдуу ыңгайлуулукту жана ишенимдүүлүктү камсыз кылууга умтулуу менен, аны өркүндөтүү боюнча жигердүү иштерди улантууда.
Компаниянын өкүлдөрү баса белгилешкендей, MКТМ 2.0 – бул бизнес менен өз ара тыгыз аракеттенүүнүн натыйжасы жана санариптик сервистер реалдуу муктаждыктардын жана кайтарым байланыштын негизинде кантип өнүгө аларынын мисалы.
