Жарыяланган
2026-20-07, 13:46Жалал-Абад облусунун Ала-Бука районундагы Сары-Талаа айылындагы «Алтын» бала бакчасы оңдолот. Бул үчүн мамлекеттик сатып алуулар порталына 7 млн 525 миң сомдук тендер жарыяланды.
Тендердин шарттарына ылайык, жеңүүчү компания бала бакчаны оңдоо иштерин келишим түзүлгөндөн кийин 2 айдын ичинде бүтүрүшү керек.
Долбоор жергиликтүү бюджеттин эсебинен каржыланат. Бирок алдын ала төлөм каралган эмес. Подрядчы иштерди өз каражатынын эсебинен баштоого тийиш.
Каржылоонун бир бөлүгү 2026-жылдын ноябрь-декабрь айларында, калган бөлүгү 2027-жылдын II кварталында бөлүнөрү пландалууда.
Тендерге катышкан компаниялар акыркы эки жылда (2024–2025-жылдары) жалпы суммасы кеминде 7,5 млн сом болгон төрт окшош долбоорду аткарган тажрыйбасын көрсөтүшү керек.
Сынакка арыздарды берүү мөөнөтү 2026-жылдын 24-июлуна чейин. Тендерди Ала-Бука айыл өкмөтү өткөрүүдө.
