Жарыяланган
2026-21-01, 10:55Ноокен районунун Кыргызстан айылында Э.Алиев атындагы мектепке 150 орундуу кошумча корпус курулуп жатат. Бул тууралуу Курулуш министрлиги билдирди.
Курулуш мамлекеттик бюджеттен бөлүнгөн 90.6 млн сомдун эсебинен жүргүзүлүүдө. Иштер 2024-жылы башталган, учурда курулуштун 75%ы аяктады.
Жаңы корпуста окуу класстары, жыйындар залы, компьютердик класс, спорт зал, дарыгердин бөлмөсү жана ашкана болот. Ошондой эле балдар жана кыздар үчүн өзүнчө эмгек класстары каралган.
Курулуш иштерин “Араван-Ремстрой” ЖЧКсы аткарууда.
