Жыл башынан бери банк системасы 17 миллиард 979,2 миллион сом өлчөмүндө таза киреше алды. Бул тууралуу Улуттук банктын сайтына жарыяланды.

Белгилеп кетсек, 2024-жылдын 31-июлуна карата Кыргызстандын аймагында 21 коммерциялык банк жана 305 коммерциялык банктардын филиалы иштөөдө. Беш коммерциялык банк ислам банк иши жана каржылоо принциптерине ылайык улуттук жана/же чет өлкөлүк валютада кызмат көрсөтүшкөн.

Банк секторунун жалпы активдери жыл башынан бери 21,6 %га өсүп, 746,7 млрд сомду түздү (2023-жылдын акырына карата – 614,3 млрд сом).

Банк секторунун кардарларынын кредит портфелинин көлөмү 286,9 млрд сомду түзүп, жыл башынан бери 11,3 пайызга (2023-жылдын акырына карата – 257,8 млрд сом) өскөн, анын ичинде тармактар ​​боюнча:

• өнөр жайга кредиттер 12,7 млрд сомду (5,3 %га кыскарды);
• айыл чарбасына кредиттер – 46,7 млрд сом (10,8 %га өстү);
• соодага кредиттер – 77,2 млрд сом (4,3 %га өстү);
• курулушка кредиттер – 13,4 млрд сом (12,6 %га өстү);
• ипотекалык кредиттер – 33,3 млрд сом (11,0 %га өстү);
• керектөө кредиттери – 72,1 млрд сом (29,1%га өстү);
• башка кредиттер – 31,4 млрд. сом (3,2 %га өстү).