Жарыяланган
2026-13-07, 15:04Ысык-Көл облусунун Жети-Өгүз районундагы Кызыл-Суу айылында 275 орундуу Э. Гапаров атындагы жаңы мектептин курулушу уланууда.
Долбоор республикалык бюджеттин эсебинен каржыланып, анын жалпы баасы 102 млн сомду түзөт. Курулуш иштери 2024-жылдын октябрь айында башталган.
Долбоорго ылайык, мектеп эки кабаттуу заманбап имарат болот. Анда лабораториялар, китепкана, ашкана, компьютердик класс, жыйындар залы жана спорт залы каралган.
Мектептин жалпы аянты 1 596 чарчы метрди түзөт. Учурда терезелери толугу менен орнотулуп, ички жана тышкы курулуш-монтаждоо иштери жүргүзүлүп жатат.
Курулуш иштеринин жүрүшү жана сапаты Курулуш министрлигине караштуу Турак жай-жарандык курулуш департаменти тарабынан көзөмөлдөнүүдө.
