Жарыяланган
2025-13-01, 10:22Кыргызстандын банктарынын таза кирешеси өсүүдө. 2024-жылдын он бир айында коммерциялык банктар дээрлик 30 млрд сом, тагыраагы 29 млрд 54 млн 856 миң сом киреше алышкан. Бул өткөн жылдын ушул мезгилине салыштырмалуу 6 млрд сомго, же 26%га көп.
Эң көп кирешеге Мбанк жана Айыл Банк ээ болгон, алардын жалпы таза пайдасы бардык банктардын пайдасынын 44,3%ын түздү. Мбанктын кирешеси 6,5 млрд сомду түзсө, “Айыл Банктын” кирешеси 6,3 млрд сомду түздү. Үчүнчү орунда 4,2 млрд сом таза кирешеси бар “Элдик банк” турат.
“Демир Банк”, “KICB”, “Оптима Банк” жана “Бакай Банк” 1,8 млрд сомдон 2,9 млрд сомго чейин киреше тапкан.
Белгилеп кетсек, бир дагы банктын кирешеси олуттуу азайган жок. “Евразия сактык банкы” эң аз киреше алган – 9,2 млн сом. Эске салсак, 2023-жылы “Кыргызкоммерцбанк” 14,8 млн сом зыян тарткан болсо, быйыл 41,8 млн сом таза киреше тапкан.
2023-жылга салыштырмалуу 2024-жылы “Мбанк” менен “Элдик Банктын” кирешеси кыйла көбөйсө, “Оптима Банк” (-707,7 млн сом), “Демир Банк” (-414,5 млн сом), “О!Банк” (-196,9 млн сом) кирешеси азайган. “Компаньон Банкы” (-147,6 млн сом), “Азия Банкы” (-129,9 млн сом), “Евразия сактык банкы” (-106,1 млн сом), “Дос-Кредобанк” (-55 млн сом) жана “Толубай Банкын” (-25,1 млн сом) кирешеси төмөндөгөн.
