Жарыяланган
2025-23-10, 13:01Нарын облусунун Ак-Талаа районунун Баетов айылында 3 кабаттуу коомдук маданий борбордун курулушу башталды. Бул тууралуу УКМК билдирди.
Анын курулушуна УКМКнын төрагасы Камчыбек Ташиев капсула салган.
Маданий борбор Т. Жолдубаев менен А. Султаналиев көчөлөрүнүн кесилишинде салынууда. Курулуш иштерин “Барс Курулуш” компаниясы жүргүзүүдө.
Аталган борбордун жалпы аянты 40 сотикти түзөт. Анын ичинде кинотеатр, китепкана, музей, иш бөлмөлөр болуп, тиешелүү шарттар түзүлөт.
Имараттын курулушуна акча президенттин Турукташтыруу фондунан бөлүнөт. Аны салууга 150 млн сом кетет деп эсептелген.
Курулуш иштери 2026-жылы бүткөрүлөт.
