Жарыяланган
2026-04-02, 10:30Нарын облусунда быйыл электр тармагын жакшыртуу максатында 21 даана трансформатор алмаштырылып, кошумча 6 даана жаңы трансформатор орнотулат. Бул тууралуу Энергетика министрлиги билдирди.
Алмаштыруу иштери Ак-Талаа районунда 1, Ат-Башыда 3, Кочкордо 7, Нарын районунда 7 жана Тогуз-Торо районунда 3 трансформаторду камтыйт.
Ал эми кошумча Ат-Башы районуна 1, Жумгал районуна 2 жана Нарын районуна 3 даана трансформатор орнотулат.
Мындан тышкары, облус боюнча 2 миң 105 даана трансформатор оңдоодон өткөрүлөт.
Эске салсак, Нарын электр тармактар ишканасы тарабынан 2025-жылы облус боюнча жалпы 61 даана трансформатор алмаштырылып, 22 даана кошумча орнотулган.
Бул иштердин жыйынтыгында электр кубаттуулугу 39 миң 217 кВАга жогорулатылып, ошондой эле 121 даана трансформатор ишкананын балансына өткөрүлгөн.
