Эми 1С жана «Оптима Банк» түздөн-түз иштейт: файлдарды жүктөөнү унутуңуз!

Optima Business аралыктан банктык тейлөө системасында 1С:DirectBank технологиясынын колдоосу ишке ашырылды.

Эми “1С” программасынын колдонуучуларына төлөм тапшырмаларын аралык тексттик файлга чыгарып, анан аларды кол менен интернет-банкка жүктөөнүн кереги жок. Каржылык документтер менен бөлүшүү жана эсептер боюнча актуалдуу көчүрмөлөрдү бир баскыч менен түздөн-түз “1С” эсептөө системасынын интерфейсинен алсаңыз болот.

DirectBank технологиясынын бизнесиңиз үчүн артыкчылыктары:

● Убакытты үнөмдөө: төлөм документтерин (сом менен) терезелер жана тиркемелерге өтпөстөн, түздөн-түз банкка жөнөтүңүз. 
● Ашыкча күнүмдүк иштерсиз: банктык көчүрмөлөрдү түздөн-түз “1С” программасынан алыңыз. 
● Коопсуздук жана тактык: системалар арасында маалыматты кол менен өткөрүүдө каталар же жоготуп алуу тобокелдиги жок болот. 
● Ыңгайлуулук: каржы адисинин жана бухгалтердин иштери эми бир эле тааныш интерфейсте топтолот.  

Технологиянын мүмкүнчүлүктөрү тууралуу кененирээк маалыматты “1С” фирмасынын атайлаштырылган ресурсунан таба аласыз: http://directbank.1c.ru.

Туташуу жана тейлөө акысы:

DirectBank технологиясын колдонуу үчүн банкта өзүнчө туташуу талап кылынбайт. Сервис Optima Business системасынын колдонуучулары үчүн “1С” программасында орнотуу аткарылгандан кийин жеткиликтүү болот.

DirectBank сервисин тейлөө акысыз.

Банк тарифтерди өзгөртүү укугун өзүнө калтырат. Актуалдуу маалымат банк тарабынан кошумча берилет.

DirectBank’ты кантип орнотот:

1.    Сиз Optima Business аралыктан банктык тейлөө системасынын колдонуучусу экениңизди текшериңиз.
2.    Банктын нускамасына ылайык өзүңүздүн “1С” программаңызда түздөн-түз алмашуу орнотуусун аткарыңыз.
3.    Туташуу ийгиликтүү болгонун текшерип, түз алмашуунун артыкчылыктарын пайдаланыңыз.

Кардарларды консультациялык колдоо

Эгер сервисти активдештирүү, орнотуу же колдонуу тууралуу суроолор пайда болсо,  колдоо кызматка кайрылыңыз. 

Болгону адиске “DirectBank” код сөзүн айтсаңыз, сизге сервисти колдонуу боюнча консультация беришет.

Колдоо кызматынын номери: 9500 

Кошумча маалыматты банктын кардарларды тейлөө боюнча стандарттуу каналдары аркылуу алса болот.