Жарыяланган
2025-06-08, 17:57Мамлекеттик өнүктүрүү банкынын жалгыз акционери болгон Каржы министрлиги банктын уставдык капиталын көбөйтүү тууралуу чечим кабыл алды. Бул тууралуу Кыргыз фондулук биржасында айтылат.
Чечимге ылайык, банктын уставдык капиталы акчалай эмес – эки кабат имараты бар жер тилкесинин эсебинен көтөрүлө турган болду. Анын негизинде банк ар биринин баасы 1 миң сом болгон 213 миң 401 энчилүү акция чыгарып, алардын жалпы баасы 213.4 млн сомду түзөт. Жыйынтыгында уставдык капитал 21.4 млрд сомго жетет.
