Жарыяланган
2026-20-04, 16:46Ички иштери министрлиги тарабынан 2025-жылдын 12-сентябрынан баштап жеңил унаа менен такси кылган жарандарга 15 миңден ашык, юридикалык жактарга 410 лицензия берилди. Бул тууралуу Жогорку Кеңештин комитетинин жыйынында ички иштер министринин орун басары Октябрь Урмамбетов билдирди.
Урмамбетов ИИМдин Жол кыймылынын коопсуздугун камсыздоо башкы башкармалыгы лицензия берү боюнча күчөтүлгөн тартипте иштеп жатканын айтты.
Лицензиясы жокторго айып салуу мөөнөтү бир нече жолу жылдырылганын айткан министрдин орун басары айрым жарандар аталган мөөнөт дагы жылдырылат деген ой менен лицензия албай жүргөнүн билдирди.
