Жарыяланган
2026-11-05, 12:292026-жылдын башына карата Кыргызстандын калкынын саны 7 млн 404.3 миңге жетти. Бул былтыркы жылдын ушул мезгилине салыштырмалуу 122.5 миңге көп. Бул тууралуу Улуттук статистика комитетинин маалыматында көрсөтүлгөн.
Кыргыз улутундагы жарандардын саны 5 миллион 763 миңге жетип, жалпы калктын 77.8%ын түзөт.
Ал эми башка улуттардын арасында саны боюнча өзбектер биринчи орунда турат. Учурда өлкөдө 1 млн 61.8 миң өзбек жашайт, бул жалпы калктын 14.3%ына барабар.
Ал эми орустардын саны 270.2 миң адамды түзүп, алардын үлүшү жалпы көрсөткүчтүн 3.7%ын түзөт. Мындан тышкары өлкөдө 71.9 миң дунган жана 64.9 миң тажик жана 172.5 миң башка улут өкүлдөрү жашайт.
Статистикалык маалыматтарга ылайык, өлкөнүн этникалык курамынын түзүмү өткөн жылга салыштырмалуу дээрлик өзгөргөн жок.
