Жарыяланган
2025-27-10, 14:27Кыргызстандын мамлекеттик карызы (ички жана тышкы бересе) 238.99 млн долларга көбөйдү. Бул тууралуу Каржы министрлигинин маалыматында айтылат.
2025-жылдын 31-июлуна карата мамлекеттик карыз 8 млрд 407.48 млн долларды түзгөн. Бул акчанын 5 млрд 232.88 млн доллары – тышкы бересе, 3 млрд 174.6 миллиону ички карыз болгон.
Жакында эле Каржы министрлиги мамлекеттик карыз боюнча жаңыланган маалыматтарды жарыялады. Ага ылайык, 31-августка карата Кыргызстандын бересеси 8 млрд 646.47 млн долларды түздү. Аталган сумманын 5 млрд 230.81 млн доллары тышкы бересе болсо, 3 млрд 415.66 млн доллары – ички карыз.
Июль менен августтагы маалыматтардырды салыштырып караганда, тышкы карыз 2.07 млн сомго азайган, ал эми ички карыз 241.06 млн долларга көбөйгөн (мамлекет баалуу кагаздарды чыгарып, карыз тарткан).
