Жарыяланган
2025-03-12, 10:25Министрлер кабинетинин төрагасы Адылбек Касымалиев ден соолугунун мүмкүнчүлүгү чектелген адамдардын эл аралык күнүнө карата кайрылуу жасады. Бул тууралуу Министрлер кабинетинин басма сөз кызматы билдирди.
Анын айтымында, республика боюнча 221 миң адам майыптыгы менен жашап, алардын 37 миңден көбү балдар.
“Кийинки кезде олуттуу мамлекеттик масштабдагы маселеге айланган. Кырдаалды жакшыртуу максатында мамлекет тарабынан материалдык жардам көрсөтүп жөлөк пулдарды берүү менен чектелбестен толук кандуу билим алуу, кесиптик даярдоо, сапаттуу социалдык кызмат көрсөтүүлөр, реабилитация, эмгек рыногунда кеңири мүмкүнчүлүктөрдү түзүү милдеттери дагы каралууда”, - деди Касымалиев.
