Жарыяланган
2026-02-06, 15:04Кыргызстанда унаалардын алдыңкы каптал айнектерин караңгылатууга уруксаттын баасын бир айга арзандатуу пландалууда. Тиешелүү токтом долбоору коомдук талкууга чыгарылды.
Сунушка ылайык, 10-июндан 10-июлга чейин тонировкага уруксатты 15 миң сомго арзан алууга болот:
Өлкө жарандары үчүн – 35 миң сом;
Юридикалык жактар үчүн – 55 миң сом;
Резидент эместер үчүн – 75 миң сом.
Эскерте кетсек, тонировкага уруксат бир жылга берилет. Уруксаттын арзандатуусуз, өз баасы 50 миң сомду, юридикалык жактарга 70 миң сомду жана резидент эместер үчүн 90 миң сомду түзөт.
