Жарыяланган
2025-27-11, 14:30УКМКнын төрагасы Камчыбек Ташиев акыркы кезде "кытайлар басып кетти, кытайлар бардык жерди ээлеп алды" деген туура да, туура эмес да сындар айтылып жатканын билдирди. Бул тууралуу ал бүгүн, 27-ноябрда, Кемин шаарында 50 орундуу төрөт үйүнүн курулушуна капсула салуу иш-чарасында айтты.
Ташиев Кыргызстанга келген кытайлык жарандардын саны көбөйгөнүн ырастады. Алар өлкөгө ири долбоорлор боюнча, анын ичинде Кытай - Кыргызстан - Өзбекстан жолун курууга келген. Ал салынып калса, транзит үчүн Кыргызстанга жылына 500 млн доллардан тушүп турат.
Анын айтымында, Кытайдын жарандары өлкөгө виза менен келүүдө. Жумуш визасы 2 айдан 1 жылга чейин, ал эми туристтик виза 14 күнгө чейин берилет.
"Визасынын мөөнөтү бүткөндөн кийин аларды тиешелүү мамлекеттик органдар текшерип, өлкөдөн чыгарат", - деди ал.
